“Türkmennebit” we “Dragon Oil” Hazaryň ýalpaklygynda seýsmiki işler hakynda ylalaşyga gol çekdiler

Oktýabr 28, 2022 | 01:13 |11047

Penşenbe güni Aşgabatda “Türkmenistanyň nebiti we gazy” atly halkara forumynyň çäklerinde ýangyç energetika toplumynda türkmen we daşary ýurtly hyzmatdaşlaryň arasynda täze ylalaşyklar boýunça resminamalara gol çekilýär.

“Türkmennebit” döwlet konserni we “Dragon Oil” kompaniýasy Hazar deňziniň türkmen böleginiň 19-njy toplumynda 3D seýsmiki işleri geçirmek boýunça hyzmatdaşlyk etmek hakynda Ylalaşyga gol çekdiler.

Kompaniýanyň adyndan (Dubaýyň hökümetine degişli) resminama onuň baş ýerine ýetirji direktory Raşid Al Jarwan gol çekdi.

Şeýle hem “Türkmennebit” birnäçe beýleki daşary ýurt kompaniýalary bilen geleşikleri resmileşdirer.

ORIENT news