Singapuryň bilermenleri Türkmenbaşy şäheriniň deňiz portunyň netijeliligini artdyrmaga kömek ederler
Singapuryň deňiz portunyň bilermenleri Türkmenbaşydaky deňiz portunyň hünärmenleri bilen port hyzmatlarynyň hilini gowulandyrmak boýunça tejribe alyşmak üçin iş sapary bilen Türkmenistana geldiler.
Garaşylyşy ýaly, saparyň çäklerinde wekiliýet dolandyryş işini kämilleşdirmäge hem-de Türkmenbaşydaky deňiz portunyň terminallaryny peýdalanmagyň netijeliligini ýokarlandyrmaga ýardam berer.
Şeýle hem Singapuryň hünärmenleri deňiz infrastrukturasyny dolandyryş ulgamynda öňdebaryjy halkara tejribesi esasynda kadalaşdyryjy-hukuk namalaryny işläp taýýarlamakda tejribelerini paýlaşarlar.
Türkmenbaşydaky halkara deňiz portunyň hemme mümkinçiliklerini ulanmak Türkmenistanyň deňiz ulaglary ulgamyny ösdürmek boýunça işleriň çäklerinde ileri tutulýan wezipeleriň biri bolup durýar we ol ýurduň çäklerinden ýükleriň üstaşyr geçirilişini artdyrmaga ýardam berer.
ORIENT news
