Russiýanyň demir ýollary BAE we Türkiýä käbir harytlary Türkmenistanyň üsti bilen ibermegi meýilleşdirýär
«Russiýanyň demir ýollary» holdingi käbir harytlary, hususan-da, daş kömür koksuny we metallurgiýa önümlerini Birleşen Arap Emirliklerine, Türkiýä we käbir beýleki döwletlere Türkmenistanyň we Eýranyň çäginden daşamagy meýilleşdirýär – diýip, TASS agentligi habar berýär.
Şeýle hem Türkmenistanyň demir ýollaryny sanlylaşdyrmak boýunça işe başlanmagyna, «Demirgazyk - Günorta» halkara ulag geçelgesinde gatnawyň mukdaryny artdyrmak hem-de bu holdingiň we Türkmendemirýollary agentliginiň gatnaşmagynda yzygiderli konteýner hyzmatyna badalga berilmegine garaşylýar.
Bu hakynda Türkmenistanyň Daşary işler ministri Raşid Meredowyň, Türkmenistanyň Ministrler Kabinetiniň ýanyndaky Ulag we kommunikasiýalar Agentliginiň Baş direktory Mammethan Çakiýewiň we Türkmendemirýollary agentliginiň başlygy Azat Atamyradowyň Russiýanyň demir ýollarynyň Baş direktory Oleg Belozerow bilen duşuşygynda mälim boldy.
ORIENT news
Surat: www.rbc.ru
