Daşoguzda türkmen-özbek kärhanasy oba hojalygynyň tehnikasynyň önümçiligini ýola goýmaga taýýar
«Türkmen-Uzagrotehmaş» bilelikdäki kärhanasy Türkmenistanyň Daşoguz welaýatynda ýük göterijilik kuwwaty 4 tonna bolan traktor tirkeglerini öndürip başlamaga taýýar we geljekde has çylşyrymly oba hojalyk tehnikalaryny ýygnamagy ýola goýmagy meýilleşdirýär.
Bu barada bilelikdäki kärhananyň baş direktory Agzam Nuriddinow «Neýtralnyý Turkmenistan» gazeti üçin teswirlemesinde gürrüň berdi.
«Türkmen-Uzagrotehmaş» bilelikdäki kärhanasy önümçilikden başga Özbegistanda öndürilen oba hojalyk tehnikasynyň satuwy we olara hyzmat etmek bilen meşgullanýar.
Nuriddinow soňky 10 ýylda Özbegistanyň 10 müňden gowrak oba hojalyk tehnikasyny - traktorlary, tirkegleri, pagta ekijileri, pürküjileri, kultiwatorlary, pagta ýygyjy maşynlary we ş.m. Türkmenistana getirendigini ýatlatdy.
Türkmenistanyň Prezidentiniň 2021-nji ýylda Özbegistana eden resmi saparynyň çäklerinde bu ýurda 28,2 million dollarlyk möçberde özbek oba hojalyk tehnikasy bilen üpjün etmek barada şertnama baglaşylypdy.
Nuriddinowyň bellemegine görä, Türkmenistanda oba hojalyk tehnikasynyň bilelikde öndürilmegi ýurduň agrosenagat pudagynyň ösmegini üpjün eder, goşmaça iş orunlaryny döreder we importyň ornuny tutýan önümleriň önümçiligine ýardam eder.
«Türkmen-Uzagrotehmaş» bilelikdäki kärhanasy 2018-nji ýylda Türkmenistanyň Oba hojalygy we daşky gurşawy goramak ministrligi we Özbegistan Respublikasynyň Döwlet emläk dolandyryş gullugy tarapyndan döredildi.
ORIENT news
Surat: apk-inform.com
