Eýranyň wekiliýeti Türkmenistanda saparda bolup, söwda gatnaşyklarynyň ösüşi barada pikir alyşdy
IRNA agentliginiň habar bermegine görä, iki ýurduň arasyndaky söwda gatnaşyklarynyň ösüşini ara alyp maslahatlaşmak üçin Eýranyň Demirgazyk Horasan welaýatynyň häkimi Muhammet Reza Huseýnnejadyň ýolbaşçylygyndaky wekiliýet Türkmenistana geldi.
Gepleşikleriň esasy ugurlaryndan biri – söwdany artdyrmak maksady bilen, serhet hyzmatdaşlygyny ösdürmekdir, bu iki ýurduň arasynda uzyn serhediň bolmagy bilen has hem wajyp bolup durýar.
Ikitaraplaýyn duşuşyklara gatnaşanlar hususy pudagyň gatnaşmagynda bilelikdäki söwda we ykdysady taslamalary durmuşa geçirmek üçin ägirt uly mümkinçilikleriň bardygyny bellediler. Lukmançylyk pudagy, üzümçilik, oba hojalygy, ýöriteleşdirilen sergileri guramak we beýleki pudaklarda hyzmatdaşlygy pugtalandyrmak üçin mümkin bolan ugurlaryň hataryna goşuldy.
Taraplar şeýle hem şu ýylyň iýun aýynda Türkmenistanyň Prezidenti Serdar Berdimuhamedowyň Eýrana resmi sapary wagtynda goňşy döwletleriň arasynda gol çekilen ähtnamalaryň ýerine ýetirilişine gözegçilik etjek bilelikdäki komitetiň döredilmegini ara alyp maslahatlaşdylar.
ORIENT news
Surat: irna.ir
