Aşgabatda Ýewropa Birleşiginiň medeniýet hepdeligi geçiriler
Oktýabr aýynyň 24-den 31-i aralygynda Aşgabatda Ýewropa Birleşiginiň medeniýet hepdeligi geçiriler, onuň guramaçysy hökmünde Ýewropa Birleşiginiň Türkmenistandaky wekiliýeti Fransiýanyň, Germaniýanyň, Italiýanyň we Rumyniýanyň ilçihanalary bilen bilelikde çykyş edýärler.
Açylyş dabarasy 24-nji oktýabrda sagat 19:00-da Türkmenistanyň Magtymguly adyndaky milli sazly drama teatrynda bolar, şol ýerde Wita Timermaneniň (Latwiýa) ýolbaşçylygyndaky hor Rasul Kliçewiň ýolbaşçylygyndaky filarmoniýa orkestri bilen bilelikde çykyş eder.
Medeniýet hepdeliginiň çäginde Germaniýanyň, Fransiýanyň we Latwiýanyň medeniýet we sungat işgärleriniň gatnaşmagynda dürli ussatlyk sapaklary, wideo gurnamalarynyň sergisi, aşhana festiwaly we italýan diliniň hepdeligi geçiriler.
Keramika çeper ýazuw we surat çekmek boýunça ussatlyk sapaklaryna gatnaşmak üçin (+ 993 64) 53-48-68 telefon belgisi arkaly deslapky hasaba alynmagy talap edilýär. Italýan dili hepdeligi talyplaryň gatnaşmagynda ýurdumyzyň ýokary okuw mekdeplerinde geçiriler.
ORIENT news
Surat: www.toursoyuz.by
