Amerikaly blogeriň geçiren «derňewi»: nädip Lexus ABŞ-daky gaý-tupandan soň Türkmenistana düşüp bilýär
Nýu-Jerside ýaşaýan amerikaly žurnalist we bloger Skott Gurian onuň dogduk ştatynda tehniki gözegçiligi geçenligi hakyndaky haty ýelmenen Lexus ulagynyň ABŞ-dan tasdan hem ýer ýüzüniň ýarysy ýaly uzak ýerde – Türkmenistanda peýda bolanlygy barada wideo şekilleri görüp, bu boýunça öz «derňew işini» geçirýär – diýip, News 12 New Jersey habar berýär.
Positively New Jersey gepleşiginiň göni ýaýlymynda Skott onyň tanyş mehanigi oňa wideo şekili görkezip, onda alyn aýnasynda amerikan şahadatnama belgisi bolan ulagyň bardygyny aýdýar. Žurnalist öz ulagyny şol bada tanaýar, ol ony olaryň ştatyna inen Ida tupanyndan soň satandygyny gürrüň berýär. Görlüp oturylsa, onuň ulagy dünýäniň beýleki ýüzünde – Türkmenistanyň ilatly nokatlarynyň birinde peýda bolýar.
Öz «derňewini» geçirmek bilen, Skott zeper ýeten ulaglaryň birgiden tapgyrynyň, şolaryň hatarynda onuň Lexus ulagy hem bar, paroma ýüklenip, ummanlary aşandygy we Dubaýa (BAE) getirilendigini bilýär. Ol ýerde awtoulagy Türkmenistandan bir telekeçi görýär hem-de ony satyn almak kararyna gelýär. Ol mebel ýygnamak we ýerlemek bilen meşgullanýar. Şeýdip, alyn aýnasynda amerikan şahadatnama belgisi bolan ulag gaý-tupany, uzakdan-uzak ýüzüşi we arap gününiň çoguny başyndan geçirip, Türkmenistana gelip düşýär.
Skott ýapon ýeňil ulagynyň özüniň birinji eýesinden ýer ýüzüniň ýarysy ýaly uzak ýerde peýda bolmagyny gaty bilesiniň gelendigini gürrüň berýär, hem-de şunuň ýaly täsin «teleportasiýanyň» XXI asyryň dünýä söwdasynyň gudratyna şaýatlyk edýär – diýip, belledi.
ORIENT news
Surat: Positively New Jersey
