Eýran milli energiýa ulgamyny Türkmenistan arkaly Russiýa birikdirmegi meýilleşdirýär
Iranpress.com habar gullugynyň habary bermegine görä, häzirki wagtda Eýran Türkmenistanyň çäginden elektrik geçirijisiniň üsti bilen milli elektrik toruny Russiýa birikdirmek boýunça taslama üstünde işleýär.
Bu meýilnama Şanhaý Hyzmatdaşlyk Guramasynyň agzalary bilen energiýa hyzmatdaşlygyny alyp barmaga mümkinçilik döreder we bu taslama ilkinji gezek Iýun aýynda Aşgabatda geçirilen Hazarýaka döwletleriniň sammitinde teklip edildi.
Meýilnamanyň durmuşa geçirilmegi üçin diňe Eýran bilen Türkmenistanyň arasynda üçünji elektrik geçirijisiniň gurulmagynyň zerurdygyny, sebäbi ilkinji iki geçirijiniň häzirki wagtda hereket edýändigini Eýranyň ýokary derejeli döwlet işgäri Muhammet-Ali Farahnakian belleýär.
Eýranyň köpçülikleýin habar beriş serişdeleriniň habar bermegine görä, Eýran häzirki wagtda milli energiýa ulgamyny ŞHG-a agza ýurtlaryň Türkmenistan we Täjigistan arkaly energiýa torlaryna birikdirmek üçin özara gepleşikleri alyp barýar.
ORIENT news
Surat: news.am
