Ýaş pianinoçynyň saz bäsleşiginde täze ýeňşi
Türkmen pianinoçy gyzymyz Aýnur Otuzowa ikinji orun eýeledi hem-de 27-30-njy sentýabr aralygynda Baku şäherinde geçirilen Yslam dünýäsiniň arasynda nusgawy sazlary ýaş ýerine ýetirijleriň XI Halkara bäsleşiginiň laureaty diýen at aldy. Şu ýyl saz festiwaly meşhur Azerbaýjan kompozitory Fikret Amirowyň doglan gününiň 100 ýyllygyna bagyşlandy.
Ýaş pianinoçy Maýa Kulyýewa adyndaky Türkmen milli konserwatoriýasynyň ýanyndaky ýörite sazçylyk mekdep-internatynyň 10-njy synp okuwçy gyzydyr. Ol bu mekdebe 6 ýaşynda gitdi. Saz bäsleşiklerine ol 13 ýaşyndan bäri gatnaşýar we azerbaýjan ýaryşy onuň ýaşajyk ömrüniň 15 ýaşy döwründe gazanan uly baýraklarynyň hatarynda eýýäm bäşinjisi boldy.
Aýnur iň oňat ada mynasyp bolmak ugrunda Azerbaýjanyň, Müsüriň, Eýranyň, Indoneziýanyň, Gazagystanyň, Gyrgyzystanyň, Marokkonyň, Türkiýäniň, Täjigistanyň, Türkmenistanyň we Özbegistanyň zehinli ýaşlary bilen bäsleşdi. Ýaryşyň şertlerine görä, oňa gatnaşyjylaryň ýaşy 20-den geçmeli däl we Baku şäherine gelen hemme ýaş sazandalar diýen ýaly örän ýokary taýýarlyk derejesini görkezdiler.
Türkmen mekdep okuwçysy hem baýrak eýeleriniň hatarynda boldy. Ol ýaşlygyndan başlap, ýurduň abraýyna öz goşandyny goşup, häzir sazçylyk mekdebiniň hem-de Türkmenistanyň häzirki zaman ýerine ýetirijilik sungatynyň iň oňat däplerini dowam edýär.
Gulýa GELDIÝEWA
