Türkmenistanyň Daşary işler ministrliginiň Halkara gatnaşyklary institutynda ÝUNESKO-nyň «Dünýä medenýeti» kluby açyldy
Türkmenistanyň Daşary işler ministrliginiň Halkara gatnaşyklary institutynda ÝUNESKO-nyň Milli komissiýasynyň sekretariaty we uniwersitetiň rektorlygy tarapyndan döredilen «Dünýä medenýeti» klubynyň açylyş dabarasyna boldy.
Täze klub geljekki türkmen diplomatlarynyň we olaryň halypalarynyň ÝUNESKO-nyň ynsanperwer ýörelgelerini we ýokary maksatlaryny öňe sürmäge gönükdirilen ylmy, medeni we bilim taslamalaryna gatnaşmaga mümkinçilik bolan ýerine öwrüler.
Açylyş dabarasyna Türkmenistanyň Daşary işler ministrliginiň Halkara gatnaşyklary institutynyň professor-mugallymlar düzümi, talyp ýaşlar we jemgyýetçilik guramalarynyň wekilleri gatnaşdylar. Çäräniň hormatly myhmany hökmünde oňa ÝUNESKO-nyň işleri boýunça Türkmenistanyň Milli Komissiýasynyň ýerine ýetiriji sekretary Çynar Rüstemowa gatnaşdy.
Duşuşyga gatnaşyjylaryň belleýişleri ýaly, ÝUNESKO-nyň institutdaky klubynyň täze wezipesi medeniýetleriň aragatnaşygyny ösdürmek, beýleki medeniýetlere bolan oňşukly garaýşy terbiýelemek, ÝUNESKO-nyň ýokary maksatlaryny öňe sürjek maglumat we wideo materiallary taýýarlamak ýaly işleri öz içine alar.
Klubyň ýakyn geljekdäki iş meýilnamasyna Türkmenistanyň Daşary işler ministrliginiň Halkara gatnaşyklary institutynyň okuwçylarynyň we mugallymlarynyň tejribe alyşmak we ynsanperwer hyzmatdaşlygyň meselelerini ara alyp maslahatlaşmak maksady bilen, daşary ýurtdaky ÝUNESKO-nyň klublarynyň wekilleri bilen onlaýn duşuşyklara gatnaşjak çäreleri hem girýär.
Täze klubyň otagynda çärä gatnaşyjylar ÝUNESKO tarapyndan alnyp barylýan işler baradaky resminamalar we maglumat materiallary bilen tanyşdylar, mundan beýläkki iş meýilnamalaryny ara alyp maslahatlaşdylar we taslamadan şahsy garaşýan zatlary barada paýlaşdylar. Myhmanlar Türkmenistanyň Daşary işler ministrliginiň Halkara gatnaşyklary institutynda ÝUNESKO-nyň «Dünýä medenýeti» klubynyň ýaşlaryň Türkmenistanyň medeniýeti, däpleri we dessurlary barada bilimlerini ösdürjek ýerine öwrüljekdigine we döredijilik we ylmy işlerde gymmatly tejribe toplamagyna ýardam etjekdigine ynam bildirdiler.
ORIENT news
