Peterburgyň ýokary okuw mekdepleri we kollejleri bilim aljak türkmen talyplary üçin ýerleriň sanyny artdyrarlar
Sankt-Peterburg öz uniwersitetlerinde Türkmenistandan okajak talyplaryň sanyny artdyrmagy meýilleşdirýär. Şäher häkimýeti Peterburgyň diňe bir ýokary okuw mekdeplerinde däl, eýsem, kollejlerinde hem türkmen okuwçylary üçin ýerleriň sanyny artdyrar. Gämi gurluşyk, ýol tehnikasy, gurluşyk ýaly ugurlar hem-de birnäçe beýleki hünärler boýunça bilim alyp bolar. Bular barada Türkmenistanyň DIM-niň ýolbaşçysy Raşid Meredow bilen geçirilen duşuşygyň netijeleri boýunça şäheriň gubernatory Aleksandr Beglow žurnalistlere habar berdi diýip, TASS belleýär. Aleksandr Beglowyň baştutanlygyndaky Sankt-Peterburgyň hökümet wekiliýetiniň Aşgabada 26-njy sentýabrda gelendigini ýatlap geçmek gerek.
Şeýle hem taraplar duşuşygyň dowamynda türkmen paýtagtynda dostluk ýadygärliginiň açylmagyny ara alyp maslahatlaşdylar. “Aşgabat, Türkmenistan Beýik Watançylyk urşy ýyllarynda Sankt-Peterburgyň ýaşaýjylaryny, biziň gabawda galan adamlarmyzy kabul etdi. Men şähermiziň ýaşaýjylarynyň adyndan mähirli kabul edendikleri üçin hoşallyk sözlerini aýtdym. Ýadygärlik binasy iki ýurduň halklarynyň arasyndaky dostlugyň nyşanyna öwrüler” diýip, gubernator gürrüň berdi.
ORIENT news
