Aşgabatda ilkinji gezek gözleglere we öňde duran meselelere bagyşlanan ekofestiwal geçiriler
Beýik Britaniýanyň Türkmenistandaky ilçihanasy Aşgabatda ilkinji gezek “Planetany bilelikde halas ederis” atly gözleglere we öňde duran meselelere bagyşlanan howa bilen baglanyşykly ekofestiwaly gurar diýip, diplomatik wekilhananyň metbugat beýanatynda habar berilýär.
Çärä girmek ähli ýaşdaky adamlar üçin erkin bolar, ýöne, şeýle hem guramaçylar gatnaşjaklara ýanlary bilen ýönekeý “giriş tölegi” hökmünde gaýtadan işlemek üçin ulanylan plastika gaplaryndan birini getirmegi haýyş edýärler.
Festiwal ýekşenbe güni, 9-njy oktýabrda “Ak altyn” myhmanhanasynyň eýwanynda howa meselesinde işjeňleriň hem-de ekobloger Gülnar Taýjanowanyň goldaw bermeginde geçiriler.
Festiwalda aşakdaky kartada görkezilen köpsanly çäreler bolar:
Guramaçylar çärä gatnaşjaklaryň dynç almak bilen birlikde, howanyň ählumumy derejede üýtgemegine garşy göreşe her kimiň neneňsi şahsy goşandyny goşup biljekdigi barada köp täze zatlary biljekdiklerini aýdýarlar.
Festiwalyň myhmanlary üçin tagamlaryň sanawy wegetarian naz-nygmatlardan we miweli suwlardan ybarat bolar. Şeýle hem gatnaşjaklardan haýyr-sahawat üçin dürli zatlar hem-de oýnawaçlar toplanar.
Salgysy: Aşgabat şäheri, Magtymguly şaýoly 141/1, “Ak altyn” myhmanhanasynyň eýwany.
Sene we wagt: ýekşenbe, 9-njy oktýabr, 15:00-20:00.
ORIENT news
Foto: unsplash.com
