TOPH taslamasynyň dolandyryş komitetiniň ýygnagy ýakyn wagtda Aşgabatda geçiriler
– TAPI Pipeline Company Limited kompaniýasynyň Baş direktory Muhammetmyrat Amanow TOPH taslamasynyň dolandyryş komitetiniň ýygnagynyň ýakyn wagtda Aşgabatda geçiriljekdigini habar berdi – diýip, Pajhwok habarlar agentligi habar berýär.
Bu barada Owganystanyň premýer-ministriniň ykdysady meseleler boýunça orunbasary Abdul Gani Baradar Ahund bilen bolan duşuşygyň dowamynda habar berildi. Taraplar taslamanyň durmuşa geçirilişi we ozal ylalaşylan işleriň gidişi barada hem pikir alyşdylar.
Owgan tarapy bu taslama ygrarlydygyny we Türkmenistan-Owganystan-Pakistan-Hindistan gaz geçirijisiniň üstünlikli gurulmagyna goşant goşjak hyzmatdaşlygyň islendik görnüşine taýýardygyny ýene bir gezek tassyklady.
TOPH ýylyň dowamynda türkmen tebigy gazynyň 33 milliard kub m. eksport etmek üçin uzynlygy 1800 kilometrden gowrak turbageçirijiniň gurluşygyny öz içine alýan köpmillionlyk taslamadyr.
ORIENT news
