Türkmenistanda BMG-nyň taslamalaryny maliýeleşdirmek üçin bitewi ýurt gaznasyny döretmek meýilleşdirilýär
BMG-nyň Türkmenistandaky ähli agentlikleriniň taslamalaryny maliýeleşdirmek üçin taraplaryň arasyndaky gatnaşyklaryň netijeliligini ýokarlandyrmagy üpjün edýän bitewi ýurt gaznasyny döretmek meýilleşdirilýär.
Türkmenistanyň Maliýe we ykdysadyýet ministri Muhammetgeldi Serdarow bilen Birleşen Milletler Guramasynyň Ýewropa we Merkezi Aziýa üçin Ösüş utgaşdyryş edarasynyň sebitleýin müdiri Gwi-Ýeop Son meseläni jikme-jik ara alyp maslahatlaşdylar.
Söhbetdeşler bitewi ýurt gaznasynyň döredilmeginiň Türkmenistan hökümeti bilen BMG-nyň arasyndaky hyzmatdaşlygyň çarçuwaly maksatnamalarynda görkezilen maksatlaryň üstünlikli durmuşa geçirilmegine, Durnukly ösüş maksatlaryna ýetilmegine we olary maliýeleşdirmäge goşant goşjakdygyny bellediler.
Maliýe ministrliginde geçirilen duşuşykda 2030-njy ýyla çenli döwür üçin gün tertibini durmuşa geçirmekde hyzmatdaşlyga aýratyn üns berlip, Türkmenistan bilen BMG-nyň arasyndaky özara gatnaşyklar meselesi ara alnyp maslahatlaşyldy.
ORIENT news
