TDHÇMB-niň söwdalary: polietilen we dizel ýangyjy islegden peýdalanyldy
Anna güni, 16-njy sentýabrda Türkmenistanyň Döwlet haryt-çig mal biržasynyň söwdalarynda umymy bahasy $6,3 million bolan 4 geleşik baglaşyldy diýip, ORIENT-iň habarçysy habar berýär.
BAE-niň we Türkiýäniň işeürleri $3,6 milliona Т60-475-119 görnüşli polietileniň jemi 5 müň tonnasyny satyn aldylar. Harydyň bahasy ozalky söwdalardaky bilen deňeşdirilende, $8 gymmatlap, bir tonnasynyň bahasy $738 deň boldy.
BAE-niň we Owganystanyň işewür toparlary $2,7 milliona EKO-5 görnüşli gidro usulda arassalanan dizel ýangyjynyň 3 müň tonnasyny satyn aldylar. Harydyň bir tonnasynyň bahasy $901,75 barabar boldy.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
Foto: unsplash.com
