TDHÇMB-niň söwdalary: STG we ýokary dykyzlykly polietilen geleşikleriň esasy ugry boldy
Sişenbe güni, 13-nji sentýabrda Türkmenistanyň Döwlet haryt-çig mal biržasynyň söwdalarynda suwuklandyrylan gaz we ýokary dykyzlykly polietilen uly islegden peýdalandy diýip, ORIENT-iň habarçysy habar berýär.
Owganystanyň wekili umymy bahasy $652,5 müň bolan suwuklandyrylan gazyň 1,2 müň tonnasyny satyn aldy. STG-niň bir tonnasynyň bahasy $522 bolup ozalky söwdalardaky bilen deňeşdirilende, $5 pese düşdi.
Içerki bazarda ýerli telekeçi umymy bahasy 3,2 million manat bolan Т60-475-119 görnüşli ýokary dykyzlykly polietilen satyn aldy.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
Foto: sigaus.es
