TDHÇMB-niň söwdalary: $11 milliondan gowrak nebit önümleri eksporta ýerlenildi
Anna güni, 9-njy sentýabrda Türkmenistanyň Döwlet haryt-çig mal biržasynyň söwdalarynda umumy bahasy $13,4 million we 30,6 million manat bolan geleşikleriň 28-si baglaşyldy diýip, ORINET-iň habarçysy habar berýär.
Türkiýäniň hem-de Owganystanyň işewürleri umumy bahasy $8,7 million bolan A-92 görnüşli awtoulag benzininiň 10 müň tonnasyny satyn aldylar. Harydyň her tonnasyna $873 teklip edildi, bu bolsa ozal baglaşylan geleşikler bilen deňeşdirilende, 16,4% azdyr.
Owganystanyň wekilleri bahasy $809,3 müň bolan 1,5 müň tonnadan gowrak suwuklandyrylan gazy almaga geleşik baglaşdylar. STG-iň bahasy ozalky söwdalardaky bilen deňeşdirilende, 1,4% aşak düşüp, bir tonnasynyň bahasy $539 deň boldy.
Türkiýäniň, Özbegistanyň we Owganystanyň işewür toparlary söwdalarda bahasy $635 müň bolan TPP D382BF görnüşli polipropileniň 500 tonnasyny satyn aldylar. Nebit önüminiň bahasy 14,5% aşak düşüp, bir tonnasynyň bahasy $1 270 barabar boldy.
Türkiýäniň, Gruziýanyň we Owganystanyň işewürleri bahasy $1,4 million bolan 5 müň tonna ýol nebit bitumyny eksport etmäge geleşik baglaşdylar. Nebit önüminiň bir tonnasynyň bahasy $297 diýilip kesgitlenildi.
Azerbaýjanyň we Birleşen Arap Emirlikleriniň wekilleri söwdalarda dürli görnüşli nah ýüplükleriniň 1,2 million kg.-ny satyn aldylar. Geleşikler milli we daşary ýurt pulunda -- $1,8 million we 30,6 million manat möçberinde baglaşyldy.
Türkmen tarapy söwdalaryň barşynda milli pula Russiýadan bolan üpjün edijiden A500S armaturasynyň 20 tonnasyny satyn aldy. Geleşigiň umumy bahasy 300 müň manada deň boldy.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
