Türkmenistanyň prezidenti birža arkaly nah ýüplükleriniň we matalaryň satuwyny artdyrmak barada görkezme berdi
Anna güni Prezident Serdar Berdimuhamedow Ministrler Kabinetiniň mejlisinde hökümet ýolbaşçylaryna Türkmenistanyň döwlet haryt we çig mal biržasy (TDHÇMB) arkaly nah ýüplükleriniň we matalaryň satuwyny ýokarlandyrmak üçin çäreleri görmegi tabşyrdy, diýip şu gün resmi türkmen metbugaty ýazýar.
TDHÇMB-niň işine sanly ulgamy ornaşdyrmak - biržada hasaba alnan geleşikleriň taslamalaryny barlamaga we tassyklamaga mümkinçilik berýän elektron resminama akymyny döretmek zerurdyr diýip, döwlet Baştutany aýtdy.
Mundan başga-da, türkmen lideri haly we haly önümleriniň elektron söwdasyny ýola goýmak, sargytlary ýerleşdirmek, önüm öndürmek we satmak tertibini sanlaşdyrylmagyny dowam etdirmegi tabşyrdy.
Ministrler Kabinetiniň mejlisinde şu ýylyň sekiz aýynyň dowamynda TDHÇMB-da 199 söwda sessiýasynyň geçirilendigi we 24 müň 173 geleşigiň hasaba alnandygy habar berildi.
ORIENT news
Foto: Eziz Öwezow
