Türkmenistanda maýa goýumlarynyň möçberi 7,5% artdy
Türkmenistanda 2022-nji ýylyň ýanwar-awgust aýlarynda maliýeleşdirmegiň ähli çeşmeleriniň hasabyna özleşdiriloen maýa goýumlarynyň möçberi 2021-nji ýylyň degişli döwründäki bilen deňeşdirilende 7,5% artdy.
Şonuň bilen birlikde, şonuň deňeşdirmede harytlaryň önümçiligi 11,4% ýokarlandy. Bölek söwdanyň mukdary 10,5%, daşary söwda dolanyşygynyň möçberi 38,6% ýokarlandy. Şeýle sanlary anna güni türkmen hökümetiniň mejlisinde maliýe-ykdysadyýet toplumyna gözegçilik edýän wise-premýer Hojamyrat Geldimyradow getirdi.
Hormatly Prezidentimiz Serdar Berdimuhamedow geljek ýyl üçin Döwlet býujetini we Türkmenistanyň maýa goýum maksatnamasyny öz wagtynda hem-de doly derejede taýýarlamagyň möhümdigini aýtdy. Şeýle hem döwlet Baştutanymyz wise-premeýere ýurtda, şol sanda nebitgaz senagatynda, himiýa senagatynda, dokma pudagynda we gurluşyk toplumynda önümçilikleri mundan beýläk-de höweslendirmek üçin mümkinçilikleri öwrenmek barada görkezme berdi.
ORIENT news
Foto: Süleýman Çaryýew/ORIENT
