Türkmenistanda döwrebap mekdepleriň we çagalar baglarynyň ondan gowragy açyldy
– Türkmenistanda Bilimler we talyp ýaşlar gününde häzirkizaman orta mekdepleriniň 7-si we 5 sany çagalar bagy dabaraly ýagdaýda açyldy – diýip, şu gün resmi türkmen metbugaty habar berýär.
4000-den gowrak okuwçy 2022-2023-nji okuw ýylynda täze mekdepleriň gapysyny açar, 1500 töweregi çaga ýurduň şäherlerinde we obalarynda täze çagalar baglaryna gatnap başlarlar.
Orta mekdepler daşary ýurt dillerini çuňlaşdyryp öwretmek üçin lingafon otaglary, ýörite enjamlar – kompýuterler we tejribeler üçin ylmy gurallar bilen enjamlaşdyrylan informatika, himiýa, fizika we biologiýa otaglary bilen üpjün edilendir.
Çagalar baglarynda tans we aýdym-saz sapaklary üçin zallar, oýun meýdançalary, ýapyk binalarda we açyk howada sport bilen meşgullanmak üçin meýdançalar bar.
Täze gurlan bilim edaralarynda gurluşygyň we satyn alnan enjamlaryň hili şäher we oba mekdepleri üçin deň derejede, bu bir bakyşdan göze ilýär.
Täze bilim edaralary Aşgabadyň Bagtyýarlyk etrabynyň Ýasmansalyk ýaşaýyş toplumynda, Ahal welaýatynyň Gökdepe we Mary welaýatynyň Baýramaly şäherlerinde, şeýle hem Daşoguzyň dolandyryş merkezinde açyldy.
Oba ýerlerinde Ahal welaýatynyň Kaka etrabynyň Duşak obasynda, Balkan welaýatynyň Balkanabat şäherindäki Saganly, Daşoguz welaýatynyň S.A.Niýazow ad. etrabynyň Buýanly obalarynda we Lebap welaýatynyň Saýat etrabynyň Guşçy we Gyzylgaýa, şeýle hem Mary welaýatynyň Sakarçäge etrabynyň Çonur obalarynda döwrebap mekdepler we çagalar baglary açyldy.
ORIENT news
