TDHÇMB-niň söwdalary: eksporta uçar kerosini we karbamid ýerlenildi
Duşenbe güni, 29-njy awgustda Türkmenistanyň Döwlet haryt-çig mal biržasynyň söwdalarynda umumy bahasy $18,1 million we 416,4 müň manat bolan 7 geleşik baglaşyldy diýip, ORIENT-iň habarçysy habar berýär.
Beýik Britaniýanyň, BAE-niň hem-de Wirgin adalarynyň işewürleri jemi 13,4 müň tonna TS-1 görnüşli uçar kerosinini satyn aldylar. Ýangyjyň bahasy ozalky söwdalardaky bilen deňeşdirilende, 3,9% ýokarlandy we bir tonnasynyň bahasy $1 227,25 deň boldy. Geleşikleriň umymy bahasy $16,5 milliondan geçdi.
Azerbaýjanyň we Owganystanyň wekilleri “Marykarbamid” zawodynda öndürilen “B” görnüşli ýokary derejeli karbamid satyn aldylar, onuň bir tonnasynyň bahasy $434,50 deň bolup, soňky söwdalardaky bilen deňeşdirilende, 1,8% pese düşdi. Eksporta jemi $1,7 million bolan önümiň 4 müň tonnasy ýerleniler.
Içerki bazarda ýerli telekeçiler 414 müň manatlyk Т60-475-119 görnüşli ýokary dykyzlykly polietileniň 23 tonnasyny hem-de 2,4 müň manatlyk elde dokalan halylary satyn aldylar.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
