Russiýa Türkmenistan bilen gaz hyzmatdaşlygyny giňeltmäge taýýar
“Gazprom” uzakmöhletleýin esasda türkmen gazyny satyn almakda hyzmatdaşlygy giňeltmäge taýýar. Bu boýunça meseleler duşenbe güni Aşgabatda geçirilen gepleşiklerde Türkmenistanyň Prezidenti Serdar Berdimuhamedow we Russiýanyň “Gazprom” APJ-niň başlygy Alekseý Miller tarapyndan ara alnyp maslahatlaşyldy. Bu baradaky wideoşekilli teswir TTR we K baradaky DK-niň habarlar gepleşiginiň agşamky sanynda efire berildi.
Taraplaryň pikiriçe, uglewodorod önümçiligini ýokarlandyrmakdan başga-da, gaz himiýasy we nebithimiýa senagaty işjeň ösýän Türkmenistanyň nebit-gaz pudagynda iri infrastruktura taslamalarynyň çäginde hem netijeli hyzmatdaşlygy ýola goýmak bolar. Şol bir wagtyň özünde, gaýtadan dikeldilýän energiýa çeşmeleriniň öndüriji kuwwatyny ösdürmek meselesine üns berildi.
Duşuşygyň dowamynda Türkmenistanyň uzakmöhletli hyzmatdaşlar bilen gatnaşygy güýçlendirmek üçin açykdygy we özara peýdaly hyzmatdaşlygyň täze ugurlaryny ara alyp maslahatlaşmaga taýýardygy nygtaldy.
ORIENT news
