Türkmenistanyň Prezidenti “Gazpromyň” başlygy bilen energiýa hyzmatdaşlygyny ara alyp maslahatlaşdy
Awgust 30, 2022 | 05:02 |13215
– Türkmenistanyň Prezidenti Serdar Berdimuhamedow "Gazprom" APJ-niň başlygy Alekseý Miller bilen energiýa hyzmatdaşlygy meselelerini ara alyp maslahatlaşdy – diýip, Russiýanyň kompaniýasynyň saýtynda habar berilýär.
– Miller Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow bilen hem duşuşdy – diýlip, habarda bellenilýär.
Kompaniýanyň başlygy bilen bilelikde Aşgabat şäherine “Gazprom”-yň wekiliýeti hem iş sapary bilen geldi.
Ozal Russiýa Federasiýasynyň Prezidenti Wladimir Putin şertnamalaryň birnäçesiniň dowam etdirilmegini ara alyp maslahatlaşmak üçin “Gazprom”-yň wekiliýetiniň Türkmenistana sapar bilen gelýändigini aýdypdy.
ORIENT news
