TDHÇMB-niň söwdalary: içerki bazarda polietilene we elde dokalan halylara isleg bildirildi
Şenbe güni, 27-nji awgustda Türkmenistanyň Döwlet haryt-çig mal biržasynda umumy bahasy 906 müň manat bolan içerki geleşikleriň ikisi baglaşyldy diýip, ORIENT-iň habarçysy habar berýär.
Ýerli telekeçi Gyýanlydaky polimer zowodda öndürilen ýokary dykyzlykly polietileniň 50 tonnasyny satyn aldy. Geleşigiň umumy 900 müň manada barabar boldy.
Işewür toparlaryň beýleki bir wekili elde dokalan türkmen halylarynyň dürli görnüşlerini satyn alamaga geleşik baglaşdy. Şertnamanyň bahasy 6 müň manatdan geçdi.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
