2-nji sentýabrda Türkmenistanda bugdaý ekişine başlanar

Awgust 27, 2022 | 17:18 |5454

Türkmenistanda güýzlük bugdaý ekişne bir hepdeden – 2-nji sentýabrda badalga berler. Hormatly Prezidentimiz Serdar Berdimuhamedow möwsümiň başlanjak senesini anna güni Hökümetiň mejlisinde aýdyp, babadaýhanlara berk jan saglyk, maşgala abadançylygyny we işlerinde uly üstünlikleri arzuw etdi.

Obasenagat toplumyna gözegçilik edýän wise-premýer Annageldi Ýazmyradow welaýatlarda ekişe taýýarlanylandygy, şol sanda tohumyň, oba hojalyk tehnikalarynyň hem-de enjamlarynyň taýýar edilendigi barada hasabat berdi. Ýurtda bugdaý ekiljek meýdan 690 müň gektara barabardyr.

ORIENT news