TDHÇMB-niň söwdalary: içerki bazarda polietilen we plastik önümler ýerlenildi
Penşenbe güni, 25-nji awgustda Türkmenistanyň Döwlet haryt-çig mal biržasynyň söwdalarynda umumy bahasy 10,6 million manat bolan 3 geleşik baglaşyldy diýip, ORIENT-iň habarçysy habar berýär.
Içerki bazarda ýerli telekeçi Т60-475-119 görnüşli polietileniň 100 tonnasyny satyn aldy. Geleşigiň umumy bahasy 1,8 million manat boldy.
Şeýle hem söwdalarda işewür toparlaryň wekili “Senagat plastik” hojalyk jemgyýetinden umumy bahasy 8,8 million manada 15 müň sany P4-D2 görnüşli plastik önümleri satyn aldy.
Ýene-de ýerli işewür umumy bahasy 11,3 müň manat bolan elde dokalan türkmen halylaryny satyn aldy.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
