Aşgabatda Rumyniýanyň we Germaniýanyň täze ilçileri işe başladylar
Ýewropa ýurtlarynyň ikisiniň – Rumyniýanyň we Germaniýanyň täze ilçileri Türkmenistanda işe başladylar. Sişenbe güni olar wise-premýer, Daşary işler ministri Raşid Meredowa ynanç hatlarynyň nusgalaryny gowşurdylar.
– Ministr olar bilen aýry-aýry duşuşyklar geçirip, diplomatlary bellenmegi bilen gutlady we ikitaraplaýyn gatnaşyklaryň ýagdaýyny ara alyp maslahatlaşdy – diýip Türkmenistanyň DIM habar berýär.
Şeýlelik bilen, Rumyniýa bu wezipede Sorin Wasile Moldowanyň ýerine geçen Ion Naval wekilçilik eder. Nawal 2020-2021-nji ýyllarda Rumyniýanyň Azerbaýjandaky ilçihanasynda dürli wezipelerde işledi, 2008-nji ýyldan 2019-njy ýyla çenli Ukrainadaky diplomatik wekilhanada işledi. Rumyniýanyň Daşary işler ministrliginde Gündogar Ýewropa we Merkezi Aziýa bölüminde işledi. Ilçi rus, fransuz, ukrain, iňlis dillerini bilýär.
Germaniýanyň täze ilçisi – Mihael Uwe Birhoff. Ol diplomat kärine Ankaradaky ilçihanada başlady, soňra Kiýewde, Kairde işledi, Beýrutda we Dohada hemişelik wekil boldy, 2020-2021-nji ýyllarda Owganystanyň Mazar-i-Şerifinde baş konsul we 2021-2022-nji ýyllarda – Saraýewodaky ilçihananyň geňeşçisi bolup işledi.
ORIENT news
