Türkmenistanyň Balkan welaýatynda tebigy gazyň çykarylyp alynyşyny artdyrmak boýunça meýilnamalar beýan edildi
Türkmenistanyň nebit gaz pudagy üçin esasy künjek bolan Balkan welaýatynda 2025-nji ýyla çenli tebigy gazyň çykarylyp alynyşyny bir ýylda 11 milliard kubmetre çenli artdyrmak meýilleşdirilýär.
Bu barada resmi türkmen metbugaty üçin teswirlemesinde Türkmenistanyň Maliýe we ykdysadyýet ministrliginiň ýanyndaky Ykdysady töwekgelçiliklerden goramak boýunça agentligiň ykdysady töwekgelçilikleri seljermek baradaky müdüirliginiň başlygy Hangeldi Gurbangeldiýew gürrüň berdi.
Ýurduň ýangyç-energetika toplumynyň öňünde şeýle meýilnamalar Türkmenistany durmuş-ykdysady taýdan ösdürmegiň uzak möhletleýin maksatnamalarynda goýuldy diýip, Gurbangeldiýew ýazýar.
Tebigy gazyň çykarylyşynyň artdyrylmagy bilen bir wagtda, Balkan welaýatynda gaz kondensatynyň alynyşyny 10,5 million tonna çenli ýokarlandyrmak maksat edinilýär.
Şeýle hem 2025-nji ýyla çenli welaýatda awtoulag benziniň öndürilişini 29%, dizel ýangyjynyň öndürilişini 20,4%, çalgy ýaglarynyň öndürilişini bolsa üç esse köpeltmek meýilleşdirilýär.
Gazylyp alynylyşynyň we önümçiligiň artdyrylmagy öňdebaryjy tehnologiýalaryň ornaşdyrylmagynyň hasabyna gazanylmalydyr.
ORIENT news
