TDHÇMB-niň söwdalary: eksporta tehniki ýod ýerlenildi
Anna güni, 19-nji awgustda Türkmenistanyň Döwlet haryt-çig mal biržasynyň söwdalarynda “A” görnüşli tehniki ýody eksport etmäge geleşik baglaşdy diýip, ORIENT-iň habarçysy habar berýär.
“Bereket” ýod zawody tarapyndan öndürilen önüm, Birleşen Arap Emirliklerinden bolan buýruja iberiler.
Harydyň bir tonnasynyň bahasy $32,8 müň diýlip bahalandyryldy. Umymy bahasy $1,3 mln bolan jemi 40 tonna önüm eksporta ýerleniler.
Tehniki ýod senagatda, hususan-da, sintetik kauçugyň, reňkli metallaryň, laklaryň, reňkleriň, lukmançylyk serişdeleriniň önümçiliginde we beýlekilerde giňden ulanylýar.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
