Türkmenistanyň Fransiýadaky täze ilçisi diplomatik wezipelerini ýerine ýetirmäge girişdi
Awgust 20, 2022 | 17:44 |15823
Türkmenistanyň Fransiýadaky täze ilçisi Maksat Çaryýew ynanç hatlarynyň nusgalaryny Fransiýanyň Ýeliseý köşgüniň Döwlet teswirnamasynyň we diplomatik çäreleriniň müdiri Filipp Franka gowşurdy.
– Duşuşykda Fransiýanyň döwlet teswirnamasynyň ýolbaşçysy ilçini wezipe borçlaryna girişmegi bilen gutlady we diplomatik işlerinde üstünlik arzuw etdi. Ol Döwlet protokol gullugynyň Türkmenistan bilen Fransiýanyň arasyndaky gatnaşyklary güýçlendirmek baradaky ikitaraplaýyn başlangyçlara mümkin bolan ähli kömegi berjekdigini aýtdy – diýip, Aşgabadyň Pariždäki diplomatik wekilligi habar berýär.
Maksat Çaryýew gutlaglar üçin minnetdarlyk bildirip, türkmen-fransuz hyzmatdaşlygyny berkitmek üçin ähli tagallalary etjekdigini aýtdy.
ORIENT news
