TDHÇMB-niň söwdalary: Özbegistanyň wekili türkmen karbamidini satyn aldy
Penşenbe güni, 18-nji awgustda Türkmenistanyň Döwlet haryt-çig mal biržasynyň söwdalarynda Özbegistanyň wekili “B” kysymly karbamid satyn almak barada geleşik baglaşdy diýip, ORIENT-iň habarçysy habar berýär.
“Marykarbamid” zawodynda öndürilen mineral dökünleriň bir tonnasynyň bahasy $442,50 diýlip bahalandyryldy, bu bolsa öňki söwdalardaky bilen deňeşdirilende 2,7% arzandyr.
Jemi 5 müň tonna karbamid eksporta iberiler. Geleşigiň umumy bahasy $2,2 million deň boldy.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
