TDHÇMB-niň söwdalary: Hindistanyň we Gyrgyzystanyň wekilleri dokma önümlerini satyn aldylar
Çarşenbe güni, 17-nji awgustda Türkmenistanyň Döwlet haryt-çig mal biržasynyň söwdalarynda umumy bahasy $1,4 million we 9,7 million manatlyk 7 geleşik baglaşyldy diýip, ORIENT-iň habarçysy habar berýär.
Daşary ýurt walýutasy üçin Gyrgyzystanyň wekilleri $302,5 müň dürli ölçegdäki orta öwüşginli boýalan tüýjümek önümlerini we $1,1 million dürli nah ýüplüklerini satyn aldylar.
Hindistandan gelen telekeçiler 9,7 million manada dürli görnüşli nah ýüplüklerini satyn aldylar. Türkmenistanyň Dokma senagaty ministrliginiň kärhanalarynda öndürilen önümiň jemi 221 müň kg-dan gowragy eksporta iberiler.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
