TNGIZT zyňyndylara gözegçiligiň awtomatik ulgamyny ornaşdyrmagy göz öňünde tutýär
Türkmenbaşynyň nebiti gaýtadan işleýän zawodlar toplumy hapalaýjy maddalaryň howa zyňylmagyny gözegçilikde saklamak we hasaba almak üçin awtomatlaşdyrylan ulgamy ornaşdyrmagy meýilleşdirýär.
Munuň üçin TNGIZT degişli ulgam döretmek boýunça işleriň taslamasy we ýerine ýetirilişi boýunça tender tekliplerini işläp taýýarlamak üçin halkara bäsleşigi yglan etdi.
Bu eýýäm toplumyň ekologiýa we daşky gurşawyň gün tertibi bilen baglanyşykly ilkinji başlangyjy däl. Geçen ýylyň oktýabr aýynda TNGIZT-nda wodorod öndürýän desganyň gurluşygy üçin teklipleri işläp taýýarlamak boýunça tender yglan edilipdi.
Şeýle hem, toplumyň zawodlarynda nebiti we nebit önümlerini hasaba almak üçin awtomatlaşdyrylan ulgam döretmek boýunça taslamanyň üstünde iş alnyp barylýar.
TNGIZT tarapyndan geçirilýän tenderler barada has giňişleýin maglumaty +993 243 9-62-33, 6-04-98 telefon belgileri arkaly almak bolar. Bäsleşige gatnaşmak üçin arzany tngizt@tngizt.gov.tm e-poçta salgysyna ugratmaly.
ORIENT news
