TDHÇMB-niň söwdalary: tüýjümek önümler we polietilen geleşikleriň esasy ugurlary boldy
Şenbe güni, 13-nji awgustda Türkmenistanyň Döwlet haryt-çig mal biržasynyň söwdalarynda umumy bahasy $305,2 müň we 1,4 million manatlyk geleşikleriň 3-si baglaşyldy diýip, ORIENT-iň habarçysy habar berýär.
Gyrgyzystanyň işewürleri söwdalarda Dokma senagaty ministrliginiň kärhanalarynda öndürilen umumy bahasy $305,2 müň bolan dürli görnüşli tüýjümek önümleriň 55,5 müň kilogramyny satyn aldylar.
Içerki bazarda ýerli telekeçi 1,4 million manatlyk ýokary dykyzlykly Т60-475-119 görnüşli polietileniň 80 tonnasyny satyn aldy.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
