TDHÇMB-nyň hil dolandyryş ulgamynyň halkara standartyna laýyk gelýändigi tassyklandy
Garaşsyz auditiň netijeleri boýunça Türkmenistanyň Döwlet haryt-çig mal biržasynyň işiniň hil dolandyryş ulgamynyň ölçeglerini kesgitleýän ISO 9001-2015 halkara standartyna laýyk gelýändigi tassyklandy.
Bu baradaky şahadatnama TDHÇMB-na garaşsyz barlag, gözegçilik, synag we halkara sertifikasiýa boýunça hyzmatlary hödürleýän Şweýsariýanyň SGA kompaniýasynyň wekili tarapyndan gowşuryldy.
Ozalbaşda birža 2019-njy ýylda ISO 9001-2015 şahadatnamasyny alypdy. Garaşsyz barlagdan soňky tassyklama standartyň möhletini ýene üç ýyl uzaltdy.
ISO 9001-2015-e laýyklyk ony alan ýuridik şahslaryň hil dolandyryşynyň esasy ýörelgelerine laýyk gelýändigini, müşderilere gönükdirilendigini we işiniň yzygiderli kämilleşdirilmegini nazarlaýandygyny kepillendirýär.
ORIENT news
