TDHÇMB-niň söwdalary: karbamidiň bahasy ep-esli ýokarlandy
Çarşenbe güni, 10-njy awgustda Türkmenistanyň Döwlet haryt-çig mal biržasynyň söwdalarynda umumy bahasy $2,5 million bolan geleşik baglaşyldy diýip, ORIENT-iň habarçysy habar berýär.
Täjigistanly işewür, öňki söwdalardaky bilen deňeşdirilende 60,7% ýokarlanan, “B” görnüşli karbamid satyn aldy we bir tonnasynyň bahasy $455 deň boldy.
Umuman alanyňda, “Türkmenhimiýa” döwlet konserniniň “Marykarbamid” zawodyndan 5 müň tonna karbamid daşary ýurda ugradyldy, onuň umumy bahasy $2,2 million boldy.
Türkiýeli wekil 90,3 müň kg dürli görnüşli nah ýüplükleri satyn almak üçin geleşik baglaşdy, onuň umymy bahasy $307.02 müň deň boldy.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
