TDHÇMB-niň söwdalary: geçen hepde kaliý, awtoulagbenzini we dizel ýangyjyna isleg bildirildi
Geçen hepde, Türkmenistanyň Döwlet haryt-çig mal biržasynyň söwdalarynda umumy bahasy $32,1 million bolan 32 geleşik baglaşyldy diýip, ORIENT-iň habarçysy habar berýär.
Singapuryň wekili umumy bahasy $5,4 milliona (bir tonnasyna $544,50) 10 müň tonna birinji derejeli ownuk däneli türkmen kaliý hloridini almak üçin geleşik baglaşdy.
Owganystandan we Türkiýeden gelen işewürler $9,3 milliona (bir tonnasyna $936,75) 10 müň tonna A-95 görnüşli awtobenziniб şeýle hem $17,1 milliona (bir tonnasyna $1 145,25) 15 müň tonna L-0,5-62 görnüşli dizel ýangyjyny satyn aldylar.
Türkiýeli telekeçi $167,7 müň dürli görnüşli pagta ýüplükleriniň jemi 55,9 müň kg satyn aldy.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
