Russiýanyň ykjam aragatnaşyk ulgamynyň operatory Türkmenistana we GDA-nyň beýleki ýurtlaryna jaň edip gürleşmegiň nyrhyny peseltdi
Tele2 ykjam aragatnaşyk ulgamynyň operatory “Ýakyn daşary ýurtlar” atly täze hyzmatynyň çäklerinde Türkmenistana we GDA-nyň beýleki ýurtlaryna jaň edip gürleşmegiň nyrhyny peseltdi.
Türkmenistandan bolan müşderiler bilen gürleşmegiň bir minudynyň bahasy indi 15 rubl bolar. Täze hyzmatyň netijesinde Russiýadan Özbegistana hem-de Günorta Osetiýa jaň etmek hemme ýerlerdäkiden arzan düşer – bir minut gepleşik üçin 5 rubl. Jaň etmegiň iň gymmat ýurtlary Abhaziýa, Azerbaýjan we Gruziýa bolar – 20 rubl.
Tele2-niň müşderileri jaň etmeler arkaly bir minutda ortaça 10 rubldan 30 rubla çenli tygşytlap bilerler. Hyzmatdan peýdalanylandygy üçin müşderi tölegi bir aýda 100 rubla deň bolar.
Täze hyzmat GDA ýurtlaryna ýygy-ýygydan jaň edýänleriň ählisine bähbitli bolar hem-de Tele2-niň müşderilerine ýakyn daşary ýurtlardaky garyndaşlaryna, dostlaryna we hyzmatdaşlaryna arkaýyn jaň etmäge mümükinçilik berer diýip, kompaniýanyň wekilleri ynam bildirýärler.
ORIENT news
