Türkmenistanyň döwlet edaralary sanlylaşdyrmak üçin maddy-enjamlaýyn serişdeleri we hyzmatlary satyn alar
Türkmenistanyň birnäçe döwlet edaralary 25-nji awgustda geçiriljek bäsleşikli saýlamalaryň barşynda öz işlerini sanlylaşdyrmak üçin hususy potratçylardan maddy-enjamlaýyn serişdeleri we hyzmatlary satyn almagy maksat edinýärler.
Türkmenistanyň Döwlet gümrük gullugy ýeke-täk döwlet portaly üçin “Eksport-import amallary üçin ýeke-täk penjire” diýen dizaýnyň taslamasyny satyn almaga taýýar. Şol taslama önümleriň eksport we import edilişini ýönekeýleşdirmelidir.
Balkan welaýatynyň häkimligi öz jemagat hojalygy birleşigine elektron hyzmatlaryny hödürlemegi hem-de elektron reminama dolanyşygyny ýola goýmak üçin serişdeleri satyn alar.
Oba hojalyk we daşky gurşawy goramak ministrligi Türkmenistanyň Döwlet ýer kadastrynyň ýeke-täk elektron maglumatlar binýadyny döretmek üçin maddy-enjamlaýyn serişdeleri hem-de ygtyýarlylandyrylan programma üpjünçiligini satyn almagy maksat edinýär.
Bäsleşige gatnaşmak üçin zerur bolan resminamalar hem-de lotlar baradaky giňişleýin maglumatlary Türkmenistanyň Maliýe we ykdysadyýet ministrliginiň 39-46-39, 39-46-38, 39-46-32 telefon belgilerine jaň edip bilip bolar.
Geçiriljek bäsleşigiň hemme lotlaryny şu salgydan ýükläp bolar.
ORIENT news
