TDHÇMB-niň söwdalary: Gazagystanyň we Owganystanyň işewürleri tehniki kükürt satyn aldylar
Penşenbe güni, 21-nji iýulda Türkmenistanyň Döwlet haryt-çig mal biržasynyň söwdalarynda granulirlenen tehniki kükürdi eksport etmäge iki geleşik baglaşyldy diýip, ORIENT-iň habarçysy habar berýär.
Önümiň bir tonnasynyň bahasy $230 deň boldy. Gazagystanyň wekili umumy bahasy $4,6 million bolan 20 müň tonna granulirlenen kükürt satyn aldy. Owganystanyň işewüri $2,3 milliona 10 müň tonna harydy almaga geleşik baglaşdy.
Söwdalara şu gün (22-nji iýulda) çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
