Türkmenistanyň lideri Merkezi Aziýanyň metbugat forumyny döretmegi teklip etdi
Türkmenistanyň lideri Serdar Berdimuhamedow Merkezi Aziýa boýunça kärdeşlerini sebitdäki maglumat giňişligini goramak we bu maksat bilen bäş ýurduň döwlet habar beriş gulluklarynyň derejesinde has işjeň professional gatnaşyklary ösdürmek barada pikirlenmäge çagyrdy.
– Belki, duýgur temalar barada aýrtmak üçin, nähilidir bir ahlak kadalaryny işläp düzmek gerekdir – diýip, Türkmenistanyň Prezidenti penşenbe güni Gyrgyzystanyň Çolpon-Ata şäherinde geçirilen Merkezi Aziýa döwletleriniň baştutanlarynyň 4-nji maslahat duşuşygynda sebitdäki howpsuzlyk meseleleri baradaky çykyşynda aýtdy.
Şeýle hem, ol howpsuzlyk meseleleri boýunça Merkezi Aziýanyň metbugat forumyny guramak teklibini öňe sürdi. Şeýle forum döwlet maglumat agentlikleriniň, çap we elektron metbugatynyň ünsüni bu ugurdaky möhüm meselelere gönükdirip biler, oňyn maglumat fonuny döretmäge çemeleşmeleri ösdürip biler we sebitdäki hakyky ýagdaýa, parahatçylyk ugrundaky tagallalar we Merkezi Aziýanyň durnukly ösüşi babatda alnyp barylýan işlere has gowy düşünmäge goşant goşup biler.
ORIENT news
