Türkmenistan sebit ulag geçelgeleriniň ýene ikisini döretmek başlangyjyny öňe sürdi
Türkmenistanyň, Eýranyň, Gyrgyzystanyň, Özbegistanyň, Täjigistanyň we Türkiýäniň ulag boýunça döwlet düzümleriniň wekilleri Aşgabatda Ykdysady Hyzmatdaşlyk Guramasynyň çäklerinde ulag geçelgelerini döretmek meseleleri boýunça iş maslahatyny geçirýärler.
Bu Gyrgyzystan-Özbegistan-Türkmenistan-Eýran we Täjigistan-Özbegistan-Türkmenistan-Eýran-Türkiýe ugurlary boýunça halkara ulag geçelgelerini döretmäge gönükdirilen iş toparynyň ilkinji ýygnagydyr.
YHG-nyň sebitindäki ykdysady gatnaşyklary berkitmek, şeýle hem halkara garyşyk ýük gatnawlarynda ulagyň ähli görnüşlerini ösdürmek üçin türkmen tarapy bu başlangyjy öňe sürdi.
Mundan başga-da, duşuşygyň barşynda howply harytlaryň, barlag nokatlarynyň, awto we demir ýollaryň kartalarynyň bitewi sanawyny döretmegiň maksadalaýyklygy barada aýdyldy.
ORIENT news
