TDHÇMB-niň söwdalary: $3 million gowrak nah ýüplük eksporta satyldy
Çarşenbe güni, 13-nji iýulda Türkmenistanyň Döwlet haryt-çig mal biržasynyň söwdalarynda Dokma ministrliginiň kärhanalarynda öndürilen dürli görnüşli nah ýüplükler eksporta satyldy diýip, ORIENT-iň habarçysy habar berýär.
Ermenistanyň we Gyrgyzystanyň telekeçileri söwdalarda $3,4 million nah ýüplükleri satyn aldylar.
Manat serişdelerine Türkiýäniň wekilleri dokma önümlerini satyn aldylar. 8,8 million manatlyk nah ýüplük eksporta ýerlenildi.
Söwdalarda eksporta niýetlenen geleşikleriň jemi 7-si baglaşyldy.
Söwdalara şu gün (14-nji iýulda) çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
