Türkmenistan senetçileri we amaly haşam sungatynyň ussatlaryny halkara festiwalyna çagyrýar
"Senetçilik we amaly-haşam sungaty dünýä halklarynyň mirasynda" atly halkara festiwaly şu ýylyň güýzünde, ýagny 11-14-nji oktýabry aralygynda Türkmenabat şäherinde (Lebap welaýaty) geçiriler.
Çäräniň guramaçylyk meýilnamalary barada çarşenbe güni geçirilen Türkmenistanyň Ministrler Kabinetiniň mejlisinde medeniýet boýunça wise-premýer Mährijemal Mämmedowa hasabat berdi.
Festiwalyň çäklerinde sergi-ýarmarkalary guramak, ussatlyk sapaklaryny, ylmy-amaly maslahatlary we beýleki çäreleri geçirmek göz öňünde tutulýar.
Prezident Serdar Berdimuhamedow halkara festiwaly geçirmek baradaky teklibi makullap, milletara gatnaşyklaryň şeýle görnüşleriniň dünýä halklary bilen dostlukly gatnaşyklary ösdürmekde uly ähmiýete eýedigini belläp geçdi.
ORIENT news
