Türkmenistan boýunça syýahat etmek üçin Migrasiýa gullugynyň ygtyýarnamasy indi zerur däl
Ýerli ýaşaýjylara ýurt boýunça syýahat etmek üçin Türkmenistanyň Döwlet migrasiýa gullugynyň güwanamasynyň bolmagy inde talap edilmeýär diýip, döwlet düzümlerindäki çeşmeler ORIENT-e habar berdiler.
Ýurduň welaýatlarynyň arasynda gatnaýan ulaglaryň ähli görnüşlerine münmek üçin ýolagçylara diňe COVID-19-a geçirilen PSR-testiň netijelerini görkezmek zerurdyr, ol ugramazdan ozal 48 sagat öň berilmelidir. Muny Türkmenistanyň Saglygy goraýyş we derman senagaty minsitrliginde hem tassykladylar.
Migrasiýa gullugynda ýokanç keselleriň ýaýramagynyň öňüni almak üçin girizilen çäklendirmeler bilen baglanyşykly amallar, şol sanda ýurdumyzyň welaýatlaryndan paýtagtymyza ugraýan ýolagçylar üçin hem aýryldy.
Ozal dünýäde we sebitde epidemiologiýa ýagdaýynyň gowulanmagy bilen baglylykda, Türkmenistanda agyz-burun örtüklerini dakynmak talaby käbir ýagdaýlarda aýryldy – açyk howada we hususy ulaglarda gorag lukmançylyk örtügini dakynmak hökman bolmady.
ORIENT news
