TDHÇMB-niň söwadalary: geçen hepde uçar kerosiniň bahasy 5% peseldi
Geçen hepde Türkmenistanyň Döwlet haryt-çig mal biržasynyň söwdalarynda umumy bahasy $24,4 million we 40,5 million manatlyk geleşikleriň 25-si baglaşyldy diýip, ORIENT-iň habarçysy habar berýär.
Nebit önümlerinden TS-1 görnüşli uçar kerosini uly islegden peýdalandy, onuň 20 müň tonnasyny Beýik Britaniýanyň, Özbegistanyň we Owganystanyň telekeçileri satyn aldylar.
ABŞ-nyň dollarynda GTSBT auksionynda uçar ýangyjynyň TS-1 bahasy
Uçar kerosiniň bahasy aňyrky hepdäniň söwdalary bilen deňeşdirilende, 5% pese düşdi we bir tonnasynyň bahasy $1 114,75 deň boldy. Geçen hepdede bu haryt boýunça geleşikleriň umumy bahasy $22,2 million barabar boldy.
Şeýle hem söwdalarda nah ýüplük, ýodlaşdyrylan nahar duzy hem-de ýodly we ýaşyl çalma galamlar eksporta satyldy.
Söwdalara şu gün (27-nji iýunda) çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
