Russiýada daşary ýurtly talyplaryň okamagy üçin ýerleriň sany iki esse köpeldilýär
Häzirki wagtda Russiýada daşary ýurtly talyplaryň 345 müňden gowragy okaýar we olar üçin ýerleriň sany iki esse köpeldilýär. Bu barada RF-niň ylym we ýokary bilim ministri Waleriý Falkowa salgylanyp, RIA Nowosti habar berýär.
“Daşary ýurtlylar barada aýdylanda, düşündirmek gerek: häzir bizde köpsanly ýurtlardan talyplaryň 345098-si bilim alýar. Gazagystan öňde barýar – 60 müň töweregi, onuň yzýanyndan Özbegistan, Türkmenistan, Hytaý we Hindistan durýar. Biz nähili çäreleri görýäris... ilki bilen, hökümetiň gelen karary boýunça daşary ýurtly raýatlar üçin ýerleriň sanyny iki esse köpeldýäris” diýip, duşenbe güni Döwlet Dumasynda Falkow aýtdy.
Onuň sözlerine görä, ylmy işler giňeldilip, bilimiň hili ýokarlandyrylsa, gyzykly taslamalar işledilip başlansa, Russiýa geljek daşary ýurtlylar has-da köp bolar.
ORIENT news
