TDHÇMB-niň söwdalary: Hindistanyň we Gazagystanyň telekeçileri nah ýüplük satyn aldylar
Duşenbe güni, 20-nji iýunda Türkmenistanyň Döwlet haryt-çig mal biržasynyň söwdalarynda Hindistanyň we Gazagystanyň telekeçileri dürli görnüşli nah ýüplükleri satyn almaga geleşikleri baglaşdylar diýip, ORIENT-iň habarçysy habar berýär.
Gyrgyzystanyň wekili Türkmenistanyň Dokma senagaty ministrliginiň kärhanasynda öndürilen bahasy $152 müň nah ýüplügiň 40 müň kilogramyny satyn aldy.
Hindistanly işewür dokma önümçilikleri üçin 18,4 million manatlyk agardylmadyk iki gatly nah ýüplügiň 360 müň kilogramyny satyn almaga şertnama baglaşdy.
Türkmenistanyň Döwlet haryt-çig mal biržasynyň söwdalaryna şu gün (21-nji iýunda) çykarylýan harytlar baradaky maglumatlar bilen biržanyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
