TDHÇMB-niň söwadalary: geçen hepde $23,1 million harytlar eksport edildi
Geçen hepde Türkmenistanyň Döwlet haryt-çig mal biržasynyň söwdalarynda umumy bahasy $23,1 million we 8 million manatlyk geleşikleriň 24-si baglaşyldy diýip, ORIENT-iň habarçysy habar berýär.
Daşary ýurtlara TS-1 görnüşli awia kerosini ibermäge geleşikler baglaşyldy. Daşary ýurt işewürleri $9,4 million bu önümiň jemi 8 müň tonnasyny satyn aldylar.
Awiakerosin 13-nji iýunda iň ýokary baha eýe boldy, şonda onuň bir tonnasyny $1 184-dan satmaga geleşikler baglaşyldy. Bu bolsa şu aýda ozal bellige alnan şertnama bilen deňeşdirilende, 12,1% ýokarydyr.
TDHÇMB auksionynda TS-1 awiasiýa kerosin markasynyň bahasy
Geçen hepde TDHÇMB-niň söwadalarynda daşarky bazara göni işlenen benziniň bir tonnasy $632,5-dan ýerlenildi. TPP D 30 S görnüşli polipropileniň bir tonnasy eksporta $1 186-dan ugradyldy.
Türkmen önümlerini ABŞ-niň, Hindistanyň, Türkiýäniň, BAE-niň, Azerbaýjanyň, Gyrgyzystanyň we Owganystanyň işewürleri satyn aldylar.
TDHÇMB-daky söwdalara şu gün (20-nji iýunda) çykarylýan harytlar baradaky maglumatlar bilen biržanyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
