TDHÇMB-niň söwadalary: daşarky bazara 5 müň tonna awiakerosin satyldy
Çarşenbe güni, 15-nji iýunda Türkmenistanyň Döwlet haryt-çig mal biržasynyň söwdalarynda umumy bahasy $5,9 million we 385 müň manada barabar bolan 8 geleşik baglaşyldy diýip, ORIENT-iň habarçysy habar berýär.
Owganystanyň telekeçileri $5,8 million deň bolan TS-1 görnüşli jemi 5 müň tonna awiakerosin satyn aldy. TNGIZT-da öndürilen bu önümiň bahasy soňky söwdalardaky bilen deňeşdirilende, 1,1% pese düşdi we bir tonnasynyň bahasy $1 170,50 barabar boldy.
Azerbaýjanly işewür söwdalarda $58 müň 17,6 müň kilogram nah ýüplük satyn aldy.
Manat serişdelerine Türkiýäniň hem-de BAE-niň telekeçileri 385 müň manatlyk 8,8 müň kilogram nah ýüplük satyn almaga geleşik baglaşdylar.
Türkmenistanyň Döwlet haryt-çig mal biržasynyň söwdalaryna şu gün (16-njy iýunda) çykarylýan harytlar baradaky maglumatlar bilen biržanyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
